*يا شام يا حبيبة*للشاعرة السورية المتالقة "سلمى سعيد محمد "

ياشـام  ياحـبيبة
حكم الظالم مصيبة

شو بكتب عن هالظالم
بزمنوا كتروا  المظالم
محكوم وعامل حاكم
وحكم الظالم مصيبة

ياغوطة  ياحبيبة
حكم الظالم  مصيبة

شو بكتب عن هالناس
ماضل فيهن إحساس
بلادي بيحكما الأنجاس
وحكم الظالم مصيبة

ياحمص  ياحبيبية
حكم الظالم مصيبة

شو بكتب عن هالقانون
القاضي حرامي ملعون
وحاكمنا واحد مجنون
وكل أطباعوا غريبة

ياحماة  ياحبيية
حكم الظالم مصيبة

شو بكتب عن الخيمة
ودمعات القهر اليتيمة
تشردنا وماضل قيمة
والحرة بوطنا غريبة

ياإدلب  ياحبيبة
حكم الظالم مصيبة

بلادي صارت كلها قبور
ماضل أهل ولا دور
والحرامي هو الناطور
وصارت ارضي سليبة

ياحلب  ياحبيبة
حكم الظالم مصيبة

بيوتنا صارت موت
وكل بيت صفى تابوت
ماعاد نسمع ولا صوت
حتى الأنقاض كئيبة

يا رقة    يا حبيبة
حكم الظالم مصيبة

بشار ابن الحرام
متربي على الاجرام
دمر كل بلاد الشام
وأطفالا  صارت أيتام

ياسوريا  ياحبيبة
حكم الظالم مصيبة

بقلمي سلمى سعيد محمد