**خلص تقتيل**للشاعرة **الياسمين الدمشقية**

خلَّص تقتيل  ..  و تدمير
قصف و تشريد  ..  وتهجير
و كمَّل  ..  معجزةْ التصحيح
بكذبةْ  ..  معركةْ  التحرير

هرَّب  كل الـ  بدّو  ..  يعيش
أعلى  ..  من خطّ  التهميش
و أوّل  ما خلص  ..  التعفيش
صار  لازم  ..  يبدا  التغيير

جمع النخبة  ..  حَولو  صَف
قوّادين  ..  بأشرف  وصف
و سرقة  ..  و حبالا  بتلتَف
مشروعة   ..  و إلها دساتير

برأيو خلّص  ..  زمن الحرب
و صار لازم  ..  يستورد شعب
و أوّل  خطواتو  ..  بهالدرب
تشليح  ..  بغرض التعمير

هلّأ  بلَّش  ..  وقت الجَد
و فصَّل مرسومو  ..  عالقَد
بدّو  قربة  ..  لسابع جد
و ما خلّى كبير و لا صغير

اتفضّل حلها  ..  إذا  بتحِل
إجرام  ..  و عاعيون  الكل
المشكل أنّو  ..  دود  الخل
منّا  و فينا  ..  و مافي ضمير
.......................................................................الدمشقية